Manchester: Wednesday din Champions League laga quarter finals laga 1st leg match te Manchester United toh Barcelona khilaf te 0-1 para harishe. Luke Shaw toh tai nijor laga net te goal mari de kena Barcelona ke United khilaf te 0-1 para ek kadam agay loi jaishe.
Shaw toh Luis Suarez para matha (head) para maara goal toh Shaw laga gao (body) te lagi kena match laga baro (12) minute bhitor te goal toh jai jaishe. Etu goal para Barcelona ke semi finals te agay jabole nimite advantage te rakhi kena ase.
United toh jua bar laga match te Paris St Germain khilaf te match jeetia dekhi kena Barcelona toh eku bhi asani para luwa nai. Hoile bhi Ole Gunnar Solskjaer laga team toh PSG khilaf te khela genika khelibole para nai.
Solskjaer koishe kea mi khan toh bhal team khan logote khelishe.
Barcelona toh 2013 saal para Champions League te tis (30) home games genika haria nai.
European competition te Barcelona laga Old Trafford te poila match jeetia toh aram thakishe. Barcelona laga keeper Marc-Andre ter Stegen toh ekta ball bhi bachabole laga nai.
Add Comment