NEW DELHI, OCTOBER 6 : Union minister Arun Jaitley pora Saturday din “Mahagathbandhans” koi kena India te manai kena thaka manaise. Huilebi etu pora BJP Party logot keraidebole baranai. Aro etu proa eku kam nahua huise koi kena janaise. Matlab alak-alak Opposition Parties kan melekena BJP Party ke khilaf kurise. Huilebi etu pora BJP Party ke keraidebole baranai koa laga kotha.
Etu bejete tai bi alak-alak Opposition Parties kan melekena arobi 2019 General Election manabole kurise koile etu election edia toh kathara aro bhal sorkar (Stable Government) ekta kathara Leader pora ahkete luijaa aro kam nathaka mela-mele kura (Anarchic Combination) kan election ke khilaf kurikena manabole kura hobo koi kena janaide thakise.
Tai bi BJP Party kan 2019 Lok Sabha election chetibole jani kena aro bisas dangor ase. Etu jani kena tai bi tai kan BJP Sorkar logot khilaf kurikena etu Opposition Parties kan mela-mele kura aji hi nahui. Huilebi boila bi thakise. Huilebi tai kan sob porabi chetibole nabari kena hi thakise. Aro BJP Sorkar kan toh ulta kathara koilebi kathara wala huijai ase koi kena janaide thakise.
Add Comment