SRINAGAR, OCTOBER 6 : Jammu aro Kashmir laga Ramban jaka osor phale ekta langkang te Bus kari kerise. Etu time te Bus pora bera manu kan 20 jun ke muraidese aro baaki tusera kan ke jukum kuridese koi kena, police pora khobor te janaise.
Etu Bus kari toh Ramban pora Banihal jaka te jai thaka laga ase. Etubi Jammu-Srinagar rasta pora. Etu time te thik kari kalti pora ulta rasta te jai kena langkang te kera huise koise. Aro jukum hua kan toh Ramban jaka laga Hospital te sabole luijai kena ase koise.
Tusera wala chamala te Sepai laga kari toh Jammu aro Kashmir laga Shopian district te aji kerise. Etu time te nai-nai koilebi 13 jun Sepai jukum huise. Aro etu jukum hua kan sob ke etu chamala hua jaka osor phale sabole luijaise koi kena, Defence khobor pora janaise.
Etu Sepai kari chamala hua asul jaka toh South Kashmir District laga Kanipora jaka te hua laga ase. Etubi Saturday pujut phale. Huilebi etu jukum hua sepai kan toh bhal hi huijabole nesena te ase koise.
Add Comment