BEED, OCTOBER 7 : Maharashtra laga Beed District te 2 jun manu murise. Etubi Swine Flu bemar hui kena 15 din thaka bejete koi kena, Health Department Official pora Saturday din janaise.
Etu Official porabi tusera 6 jun kan bi etu Swine Flu (H1N1 virus) bemar huikena ase. Huilebi tai kan toh bhal porahi ase koi kena janaise.
Etu Swine Flu bemar pora muraidiya 2 jun majutte 1 jun toh Gururaj Ranganath Thalkari koi kena 65 sal dangor ase. Etubi Yusufwadgaon, Kej Tehsil jaka te thaka laga. Huilebi tai 2 jun mura toh alak-alak din te mura laga ase. Etubi Friday din te etu 65 sal dangor murise, etu bejetehi September 28 te tusera wala murise koise.
District Civil Surgeon Dr Ashok Thorat pora koa hisabte 38 jun etu Swine Flu bemar nemite Pune te sabole bataidese. Huilebi etu kan majutte khali 6 jun hi Swine Flu huikena baise (Positive) koise.
Add Comment