South Carolina deh flood hobole hosiyar

South Carolina, 24 September: South Carolina laga Georgetown manu khan logode etu hapta flood hobole hosiyar janaidese. Aro etu Hurricane Florence toh last wala hobo pari koise. Etu hapta Pee Dee aro Waccamaw node (river) pora 5-10 feet (1.5 to 3 m) pani flood hebole chance ase koise. Georgetown County spokeswoman Jackie Broach-Akers  pora kowah toh, jowah hapta pora Emergency Management Officials khan flood hobole chance ase koi-kena hosiya r janaide thakise. Aro etu toh ahha-hapta tak hoi thakibole ektum chance ase koise. Tai pora be tati laga manu khan logode hatijabole kowah thakise. Hoilebe tai khan logode kenaga hoilebe hatibo lagi toh nahoi koise. Broach-Akers pora notice na-haa tak Public schools toh bondh hoi kena thakibo koise aro tati laga hotels khan hatibole manu khan logode discount pora dee ase koise. Bob Oravec pora be tati pani toh othi ase koise.