Agencies, 14 November: Sports Minister para 500 private academies ke monetary support debo nemide notun structure suru korise. Etu toh financial sal 2020-21 para suru korikena next jar sal tak nemide ase.
Etu model te, private academies toh alak categories te mark koribo. Etu toh academy para players ke trained kora laga quality, academy te coaches thaka nesana te shaijai kena. 2028 Olympics te execellence nemide jana 14 priority disciplines toh first phal laga support pabole eligible thakibo.
Aro sob academies te sports science facilities bonabo nemide be special focus thakibo. Etu toh training laga pura-puri quality phal hobo nemide.
Union Minister of Youth Affairs and Sports Kiren Rijiju koise, “Desh laga alak alak jag ate horu academies besi thaka aro athletes ke identify aro training kora te ektum phal kaam kori ase. Etu move toh sob academies ke encourage koribole nemide ase b esi phak private academies para level of infrastructure, resources aro sports science support toh phal kori thakikena athletes ke best class training pabo nemide”.
