Sri Lanka te saal 2009 te huwa civil larai pichete 2019 Easter Sunday din te Sri Lanka laga alak alak jaga te blast hoishe. Etu blast toh Sir Lanka laga sob para biya din thakishe. Etu genika ghatna toh desh nimite ekdam dangor mon bikhabole laga kotha ase. Etu attanki hamla te 290 manu khan murishe aro panchso (500) nisina manu khan jokom hoishe. Etu Easter Sunday din te huwa hamla te desh te thaka attankwadi khan laga haath ase. Etu te kunba manu khan toh suicide bombers khan bhi thakishe.
Duniya te thaka manu khan laga dihan pabole nimite attankwadi khan para jaga aro occasion toh jani kena choose kurishe. Capital Colombo laga samundar (ocean) osor te thaka teenta ekdam luxury hotels te guests khan breakfasts kuri thaka samay te bomb phutishe. Etu din te huwa dusra blast toh church te worship kura samay te hoishe. Aro dusra blast toh western coast te thaka Negombo te hoishe aro dusra blast toh Batticaloa eastern town te hoishe.
Etu ghatna nimite sob para dangor jhatka (impact) toh ecomony te hubole ase. Desh te bhal para chuli thaka tourism industry toh sob para dangor ecomony laga contributor ase. Desh te olop moina agay para he political rasta toh thik (stable) nathaka nai. Etu nimite desh toh olop samay agay para he olop dikdar te chuli thakishe. Alak alak communities khan majote rishta bhi komjor hoi thakishe. Atith (past) te huwa larai te Muslim minority khan bishi dikdar paishe. Aro etu para bhi komti thaka Christians minority khan bhi Sinhala Buddhist groups logote para bishi duk paishe. Etu sob ghatna khan bhi 2019 Easter Sunday din te ghatna logote melabole napare.
Bishi apsos laga kotha ase ke bahar laga intelligence para diya specific khobor toh seriously luwa nai. President Maithripala Sirisena para chanbin (inquiry) kuribole adesh dishe. Aro Prime Minister Ranil Wickremesinghe koish ke ti aro tai laga ministers khan etu intelligence khan para diya specific khobor toh najani kena thakishe.
Hoile bhi administration khan para etu samasiya toh bhal para saishe. Administrations para etu ghatna laga rumours toh falibole (spread) diya nai aro kun society opor te bhi eku jhamela hubole diya nai. Etu hubole pare ke tai khan toh New Zealand khan laga example loishe pare.
Etu ghatna para ekta kotha toh safa ase ke zimadar thaka manu toh sob dhorom laga manu khan ke murabole echa thakishe. Bacha hubi nohoile bhi dangor hubi. Sri Lankan hubi nohoile bhi foreigners hubi. Zimadar thaka manu toh sob ke bhi murabole bhabana thakishe. Dusra kotha toh zimadar thaka manu toh attank lagai kena (sow) desh toh alak kuribole bisari thakishe.
Sri Lankan police koishe ke tai khan para suspect ke dhuri loishe. Biya kaam kura khan ke sazaa dibole toh bishi zaruri ase. Hoile bhi ekta khatara laga kotha toh officials khan etu kuribole bishi tara-tari kuri ase. Etu niyai (justice) anibole tara-tari kura samay te an-niyai (injustice) bhi anibole pare. Atith (history) Sri Lanka te security forces khan para niyai anibole nimite bishi biya kurishe aro etu he chinta hubole laga kotha ase.
Add Comment