Colombo: Sources koishe ke immigration aro emigration laga kanoon toh biya kura nimite charta foreign desh manu khan ke geraaftar kurishe. Geraaftar kura manu khan majote Pakistani manu bhi thakishe. Sri lanka te police khan para chanbin kura samay te etu manu khan ke geraaftar kurishe.
News 1st khobor kurishe geraaftar huwa manu nkhan te duita Nigerians aro ekta manu toh Bangladesh aro ekta toh Pakistan para thakishe.
25 saal thaka Pakistani aro 24 saal thaka Bangladeshi manu khan ke thik visa nathaka nimite geraaftar kurishe. Tai khan ke Grandpass para dhurishe.
Nigerians khan laga umar toh 26 aro 31 ase. Tai khan bhi Sri Lanka te thik Visa nathaka nimite geraaftar kurishe. Police para tai khan ke Ukwatte, Avissawella para dhurishe.
Foreigners khan ke court te anibole ase. Easter Sunday din te huwa attanki hamla pichete Sri Lanka toh 39 desh para aha manu khan aha samay te visas grant kuribole plans toh suspend kurishe.
Sri Lanka te nouta (9) suicide bombers khan para hamla kura pichete authorities khan high alert te ase. Etu bomb blasts toh churches aro luxury hotels te April 21 te hoishe. Etu hamla te 253 manu khan murishe aro panchso (500) opor manu khan jokom hoishe.
Islamic State laga attanki group para etu hamla laga zimadari loishe. Hoile bhi government para etu hamla nimite local Islamist extremist group National Thowheeth Jamaath (NTJ) ke inzaaqam lagaishe.
Add Comment