TURA | NOV 26, 2019: SSA teachers khan ke salary nadia moina huwa pichede authorities khan ke jawab dikena tai khan laga dukh janaishe aro government para okobi nakura nimete mondukh paishe.
Enika ekta hadsaa te ekta teacher social media te jaikena tin moina para uporte salary napaa nimete mondukh janaishe etu te tai koishe school fess dibole napara nimete tai laga duita bacha ke hostel para olabole paranai.
David Sangma (name changed), ekta SSA teacher toh thousands teachers ekta ase kun laga salary toh rukhikena ase .Teachers khan bishi kaam kurikena bi etu pabole nimete tai khan ke authorities khan misa kuwa ase .
Juwa haafta thousand nishena educators khan raasta te jhaishe state khan tai khan laga dues nadia nimete .Tai khan ke khali etu process hui ase koikena janaishe.
David kuwa hisaab te etu school kuntu te tai laga duita bacha pudi ase tai laga duita bacha ke olabole dianai kile koile tai para annual fees nadia nimete .Etu nimete tai para social media te post kurishe tai laga dukh toh.
August moina para hi teachers’ school dues khan toh rukhi kena ase .Tai laga kisaa toh thousands khan para ekta ase aro Christmas aha time te tai khan nimete chamela toh aro bi biya hoishe.
Add Comment