JAKARTA: Police koishe ekso (100) para bhi opor kaidee Sumatra Island te thaka Indonesia jail para polaishe. Etu toh desh laga sob para poila jail system biya kuri kena pola laga case ase.
Kaidee khan toh Sumatra Island laga Siak district te thaka jail para polaishe. Saturday fusur te jail te jui aro jhamela olaishe aro etu samay te kaidee khan toh polaishe.
Local TV stations laga footage hesab te jail toh pura jui lagi kena thakishe.
Riau province police chief Widodo Eko Prihastopo koishe authorities khan toh kaidee khan ke bisaribole suru kurishe aro Saturday din bhitor te 115 nisina kaidee khan ke dhuri loishe.
Prihastopo koishe police, army aro osor te thaka community khan laga modot para bachi kena thaka polaija kaidee khan ke besari ase.
Police koishe olop kaidee khan toh methamphetamine estimal kuri thaka nimite police khan para kaidee khan ke mari dishe.
Local health office para AFP ke koishe teenta kaidee khan chaku mara laga jokom thakishe. Aro jhamela te policeman bhi jokom hoishe.
Add Comment