March 19, 2024: Sydney Sweeney para taila reason kan dia shuru hui shae, tai kile ekta project karne sign kure kui nah. Actor, Madame Web deh Julai Carpenter star kuri shae, tai British GQ lokot kotha kuri shae decision deh. Tai para etu tho ekta “strategic business decision” taki shae kui shae aha projects kan aro secure kuri bole.
British GQ lokot interview lua deh, Sydney para etu kui shae Madame Web deh, “Movie tho ekta dangor movie ase kuto manu kan bishi involved ase. Mui keh actor hire kuri shae aro mui kushi deh taki shae ekta character keh life dib oleh. Etu character karne muila chutu cousins kan bishi josh deh taki shae. Utu nihsi nah film deh mui outcome kan control kuri bole napareh. Especially producer nataka time deh. Apni ki hobo ase, etu karne sign kureh aro ride karne jai.”
Tai para film tho ekta opportunity nishi nah diki shae kui shae industry deh aro zaruri relationship kan bana bole. “Mui karne film tho ekta building block taki shae. Etu para muike Sony lokot relationship bana bole di shae. Madame Web nakuri leh tho, mui decision makers lokot deh relationship nataki bo. Mui muila career deh ki kureh, etu kan khali story karne kura nahoi, strategic business decision karne baa se. Mui utu kura karne, mui Anyone But You bika bole pari shae. Mui Barbarella b pabo leh pari shae,” tai para kui shae.
Add Comment