New Delhi, March 17 : Kiran Rao tu bisi lamba chutti luwa picheyte Laapataa Ladies logotey tailaga director kursi te wapas ahisey. Aamir Khan laga production house para modod kurikina, etu film tu bhal review paisey aro critics aro audience para ekdam bhal support paisey. Etu opor te, Salman Khan, Anurag Kashyap, Shabana Azmi aro dusra khan para bi etu film laga tariff kurisey. Ekta nutun interview te, Laapataa Ladies laga important writers majotey ekjun, Sneha Desai para Aamir Khan aro Kiran Rao lagag kotha kurikina koisey ki taikhan duijun tu ekdam down-to-earth asey.
Tai para koisey, “Aamir aro Kiran Madam logotey ami laga working experience tu bisi bhal thakisey. Taikhan tu ekdam bhal producer asey aro ekdam down-to-earth aro dimag bhal thaka manu asey, Taikhan tu bisi sensitive bi asey aro taikhan ke exactly ki lagi asey aro taikhan ki kobole mon jai asey etu janey.
Desai para agey barikina koisey, “Taikhan para apni laga creative freedom aro idea khan laga respect korey, taikhan tu disagree kuribole nimitey agree korey etu nimitey etu tu ekta democratic process thakisey. Kun para Aamir tu ekta interfere kora manu asey koi taikhan tu ekdam galat asey.”
Aamir tu Laapataa ladies laga co-producer asey.
Add Comment