West Indies, 30 April : Aiden Markram para charge ke lead kuriboley asey kitia South Africa para Tuesday dey ICC mota laga T20 World Cup 2024 karney 15-member squad announce kurishey kuntu USA aro West Indies dey June 1-29 tak khiliboley asey. Itu toh tai T20I captain hua piche dey para luina Markram laga agey World Cup assignment huwo. Itu team dey experienced batters Quinton de Kock, Reeza Hendricks, Heinrich Klaasen, David Miller aro promising Tristan Stubbs milaina asey. Itu squad dey tuitq uncapped T20I khiladi; wicket-keeper batter Ryan Rickelton aro fast bowler Ottniel Baartman bhi feature kuri asey.
Rickelton toh SA20 laga second edition dey leading run-scorer nishna khotom huishey, MI Cape Town karney 530 runs logot 58.88 laga average dey, kitia Baartman para defending champions Sunrisers Eastern Cape karney eight matches dey 18 wickets luishey aro itia Indian Premier League (IPL) franchise Delhi Capitals logot asey.
Kagiso Rabada aro Anrich Nortje taijun pace attack ke lead kuribo. Taijun ke Marco Jansen aro Gerald Coetzee para support kuribo.
Alag notable selections toh three front-line spinners; Bjorn Fortuin, Keshav Maharaj aro Tabraiz Shamsi asey.
Pace pair Nandre Burger aro Lungi Ngidi ke travelling reserves kuina naam dishey.
South Africa para taikhan laga campaign June 3 dey Sri Lanka laga khilaf New York dey shuru kuribo.
Itu homoi, Walter para West Indies laga khilaf preceding three-match T20I karney provisional squad naam dishey.
Cricket South Africa kuishey ki T20I series karney squad toh podli huwo aro khiladi khan ke hali diwo kitia management khan IPL khiladi laga availability janiwo.
South Africa T20 World Cup squad: Aiden Markram , Ottniel Baartman, Gerald Coetzee, Quinton de Kock, Bjorn Fortuin, Reeza Hendricks, Marco Jansen, Heinrich Klaasen, Keshav Maharaj, David Miller, Anrich Nortje, Kagiso Rabada, Ryan Rickelton, Tabraiz Shamsi, aro Tristan Stubbs.
Travelling Reserves
Nandre Burger and Lungi Ngidi
West Indies laga khilaf South Africa T20I provisional squad : Ottniel Baartman, Matthew Breetzke, Bjorn Fortuin, Reeza Hendricks, Patrick Kruger, Wiaan Mulder, Lungi Ngidi, Nqaba Peter (DP World Lions), Ryan Rickelton, Andile Phehlukwayo , Tabraiz Shamsi, aro Rassie van der Dussen.
Add Comment