Brazil, 30 April : Brazilian defender Thiago Silva toh season khotom huwoley homoi Chelsea charibo, Stamford Bridge dey “dream” four-saal spell piche dey. Silva para tai laga farewell Chelsea laga website dey ekta emotional video message dey janai dishey Monday dey. Itu 39-saal centre-back toh Premier League club dey August 2020 dey Paris Saint-Germain ke charia piche dey ekta free transfer dey ahishey. Tai Blues karney sob competitions dey 151 appearances kurishey, Champions League, FIFA Club World Cup aro UEFA Super Cup jitina.
Silva toh Chelsea fans maju dey ekta popular figure thakishey, taikhan laga 2020-21 Champions League-winning campaign dey ekta immediate impact kuria piche dey kutey Manchester City khilaf final dey jeet paishey Porto dey.
Itu fond feelings toh clearly mutual asey kitia Silva para fanbase ke salute kurisheh aro tai future dey alag capacity logot Chelsea dey wapis ahiwoley tai laga iraata janai dishey.
Brazil para 113 par cap kurina, Silva para otu season Chelsea karney sob competitions dey 34 appearances kurishey.
Huilewi itu former AC Milan star, Aston Villa dey Chelsea laga 2-2 draw dey ekta groin problem samna kurishey Saturday dey, possibility uthaishey ki tai blue shirt dey tai laga last appearance kurishey.
Itu season Mauricio Pochettino laga side five khel pachina asey kitia taikhan ekta afsos season ke salvage kuriboley karoney European qualification ke secure kuriboley bisari asey.
Chelsea, Premier League dey ninth place thakina, Manchester City khilaf FA Cup semi-finals dey harishey aro Liverpool para League Cup final dey haraishey February dey.
Add Comment