New Delhi, April 1 : Mota laga kahani para dominate kurikina thaka film industry te, Ekta R Kapoor, kun ekta dangor producer asey aro kunke Indian Cinema laga content Queen koikina jana jai, tai para aro ekbar tailaga latest blockbuster film Crew logotey etihas banaisey kuntu te Tabu, Kareena Kapoor Khan aro Kriti Sanon asey. Etu film para barriers bhangaikina stereotypes bhangai asey. Etu film para khali Ektaa laga creative roop dikha ekla nohoikina film te bi aro film laga bahar te bi maiki khan ke empower kuribole laga tailaga commitment dikhai asey.
Ekta Kapoor laga film khan tu maiki khan laga film hoikina ahi asey. Tai para sobsey latest tu Lipstick Under My Burkha film banaisey aro tailaga sobsey bisi yaad rakhibole thaka film tu Vidya Balan laga The Dirty Picture asey. Ektaa laga maiki khan logotey jurikina thaka film khan para stereotypes( manu khan ke najanikina enaka asey koikina judge kora) bhangai asey aro taikhan para maiki khan ke nutun roop te dikhai asey. Tai tu maiki laga character ke tagra banabole focus kuribole mon asey koisey, tailaga film, Serial nohoile digital content te hoisey koilebi.
Ektaa laga Crew film tu khali Rs 62.53 crore collect kurikina box office success huwa hey nohoikina etu film laga asar tu Indian cinema te gender representation ke surround kurikina cultural laga kotha te asar kurisey. Maiki khan ke agey aro center te rakhikina, Ektaa para bisi lamba homoi para chuli thaka stereotypes ke challenge kurisey aro tai para Crew film ke ekt Blockbuster banaisey.
Add Comment