Taiwan para Dexamethasone tawai tuh Coronavirus elach samay joboli koishe

Taipei: August 4, 2020. Taiwan para dexamethasone tawai tuh new coronavirus bemari elach kora samay joboli approve kurishe. Etu tawai tuh sosta ase aro chaka besi te joi thaki. Taiwan te antiviral laga tawai remdesivir tuh paboli komti hoikena United States para Duniyaa laga supply sob kene loishe. Tuesday din te Taiwan Centres for Disease Control Deputy Director-General Chuang Jen-hsiang paa reporters khan logot koishe ke, medical experts khan para dexamethasone tawai tuh elach samay joboli COVID-19 list te thaki thishe, hoilebi, procedures sob kotom kura bechete bemari mauh logot thiboli koishe. Taiwan te notun coronavirus bemari cases tuh 476 ase aro pithor te sath(7) jun manuh morikena ase. Besi cases tuh bahar para aha laga ase aro bhal hoikena ase. Bemari cases komti thaka nemite joti para kam kura nemite dunyabad kurishe. Taiwan laga official Central News Agency para koishe ke, etu hafta pithor te US te tawai bona company Gilead laga COVID-19 remdesivir tawai tuh besi komti ase koishe. Taiwan para 2,000 tawai order kura tuh  July moina te ahiboli thakishe hoilebi kali 78 he stock te ase aro etu para 54 serious manuh logot he elach kuriboli parebo koikena khobor para koishe. Etai dak, European desh te kali Remdesivir tawai tuh COVID-19 bemari thaka manuh ke elach kuriboli authorized ase. Remdesivir tawai tuh besi demand te ase, keli koile etu tawai para clinical trial samay bemari tuh joti para bhal hoi jai. Hoilebi, June moina te junai thishe ke, United Kingdom te researchers khan para trial samay dexamethasone tawai para COVID-19 bemari manuh ke first pachaise, etu nemite scientist khan para coronavirus bemari samay tangor kam kuriboli parishe. Jaa moina, Japan para be COVID-19 bemari samay dexamethasone tuh elach kura samay joboli approved kurishe koishe.