WHO team para China te coronavirus ola chaka te case saa kotom koishe

August 4, 2020. Monday din te, World Health Organization para koishe ke, tai khan laga advance team China te jaikena COVID-19 ola chaka te study kuri thaka mission tuh kotom hoishe. Medai logot kotha kura samay, WHO laga Director-General Tedros Adhanom  Ghebreyesus para kowah tuh  international team logot melaikena China aro Duniyaa sob  laga  scientists aro researchers khan Wuhan desh te jabole, jaa saal etu desh te bemari tuh first ola ase.  “Epidemiological studies tuh Wuhan te soruh kurikena bemar laga cases tuh saboli koishe. Evidence aro hypotheses paikena kam tuh deri studies kuriboli ase koishe. “WHO laga advance team khan China te jaikena mission tuh kotom hoishe aro groundwork tuh saikena virus tuh keneka olaishe besaribo koishe. WHO aro Chinese experts khan milaikena studies aro programme laga kam tuh international team bonaikena kam tuh WHO para led kurikena sabo” koikena Ghebreyesus para koishe Tai aro koishe ke, COVID-19 laga ‘silver bullet’ tuh napabo, etu bemari tuh normal te anibo nemite bhal vaccine nathakibo, etu nemite desh konuba para tuh kam tuh aro alak para soruh kuriboli ase. “vaccines besi tuh phase three clinical trials te jaiase aro ami khan besas ase ke bhal vaccines olakena manuh khan ke bemari para pachabo. Hoilebi, etai samay silver bullet tuh nai aro ketai be nathakibo” Ghebreyesus para aro koishe. “etai dak te, public health aro disease control nemite bemari ola tuh komti hoiase. Testing kura aro bemari manuh ke elach kura aro bemari ke besara aro bemar manuh ke quarantine kuriase. Sob kuribo lage. Khobor thibo laga aro communities logot honibo lage, physical distance raka oper te ase, aro mask lakabo lage, sob kuriboli lage..Manuh aro government logot khobor tuh clear ase”. Tai aro koishe.