Washington: August 4, 2020. United States te Monday din, 24 gonda pithor te 46,321 notun coronavirus cases paishe koikena John Hopkins University laga tally hesab te koishe. Duniyaa laga sobse tangor economy te 532 manuh morishe koikena Baltimore-based institution para 8:30 pm (0030 GMT Tuesday) te janai thishe. Etai United States te sob melaikena 4,711,323 bemari cases hoikena ase aro 155,366 manuh morikena ase, etu nemite Duniyaa te United States tuh sobse besi bemari thaka desh ase. Monday din tuh second din wala thakishe ke bemari cases tuh olop lamishe. Jaa hafta pas(5) din tuh 60,000 oper bemari cases pai thakishe. President Donald Trump para coronavirus press briefing samay Monday din te koishe ke, United States laga southern aro western chaka te virus tuh “komti” hoiase, aro situation tuh “very encouraging” koishe. Hoilebi, jaa din, White House coronavirus advisor Deborah Birx para warned kurishe ke, desh tuh beamri laga “notun Phase” te jaiase. “bemari tuh alak para chaka sob te spread hoiase” koikena tai para Sunday din CNN logot koishe. “kuan manuh khan rural area te thakiase, etu manh khan tuh immune nahoi aro virus para pachikena nai”. Jaa saal China te COVID-19 bemari loikena Duniyaa te 18 million oper manuh khan etu para bemar hoikena ase aro 680,000 neshina manuh morikena ase koishe.
Add Comment