Taliban team peace talk nemite Pakistan te ase

Islamabad: August 27, 2020. Pakistan para Taliban negotiating team laga key members khan logot  Islamabad te matishe. Etu samay senior officials khan para peace nemite kotha kuriboli ase koikena Monday din te desh laga foreing minister para janai thishe. Meeting kuriboli toh Afghanistan te larai kora samay ase aro jail te thaka manuh botli koriboli nemite kotha koi thaka be rokaina ase koishe. Delegation khan toh Islamabad te ahikena ase aro ami khan aha kali para ekjun- ekjun majot te shanty nemite kotha kuriboli ase, koikena foreign minister Shah Mahmood Qureshi para press conference te koishe. Taliban aro Afghan government toh EID beche kotha kora soruh hoboli signaled thikena thakishe, aro EID toh jaa moina kotom hoishe, hoilebi, kam toh jail te thaka manuh botli kukoriboli rokina ase koishe. Kabul para jail te thaka manuh 4,680 neshina jarishe, aro Taliban para be 1,000 neshina  Afghan security forces khan ke jarishe, etu kam toh US aro Taliban pithor te agreement thaka oper te korishe. Qureshi para koishe ke, Islamabad para Taliban khan logot tangor kotha kuriboli Pakistan te matishe aro koishe ke, Afghanistan te kotha kora toh he agae jaboli rasta ase. “etu Afghan manuh khan melibo nemite ase aro ami khan laga kam toh melai thibole ase”, tai koishe. “sobse tangor kam toh shanty thakibo nemite ase aro aha din laga kam toh intra-Afghan kotha kora aoruh hobo”. October 2019 saal te, Taliban laga leader, Mullah Abdul Ghani Baradar toh Pakistan hath te 8 saal thakishe aro etai tai para Islamabad te pithor manuh nam te  February  moina te Washington logot deal signed kurishe. Sunday din te Taliban laga spokesman Suhail Shaheen para koishe ke, Baradar aro dosura kotha kora manuh para Afghanistan te boila peace kotha, peraboli nemite aro tutai desh majot te business laga kotha kuriboli ase koishe.