August 27, 2020. United States para konuba Chinese Communist Party (CCP) regime, People’s Liberation Army (PLA) aro businesses manuh ke Visa ban kuri thishe koishe. Tai khan toh South China Sea chamela te occupation aro militarization te shamil ase. Wednesday din te State Department laga statement te, Secretary of State Mike Pompeo para koishe ke, August 26 darik para “People’s Republic of China (PRC) khan logot visa bondh kuribo”, keli koile tai khan South China Sea chamela te shamil ase. Visa ban kora te, CCP regime aro PLA ekla nahoikena private manuh aro PRC laga businesses manuh nemite be bondh ase koishe. “etu manuh khan ke United States te ahiboli natibo, aro tai khan laga ghor osor manuh logot be visa toh ban kuribom koikena State Department para janai thishe. Etu oper te US Department of Commerce para koishe ke, Entity List te PRC state-owned enterprises aro China Communications Construction Company (CCCC) khan be thakibo. 2013 saal para PRC para tai khan nejor laga enterprises besarina etai South China Sea te 3,000 acres neshina toh mangi ase, tai khan para chaka komjor kurishe aro osor desh laga sovereign rights beya kuri thishe, koikena US government para koishe.
US para koishe ke, CCCC aro subsidiaries khan para Duniyaa sob te kam beya kurikena perai ase. United States para South China Sea ke free aro kula support korishe, aro koishe ke, Washington para manuh sob laga rights toh tangor hobi chotu hobi, respect kurikena shanty rakina International Law ke besas thakibole koishe.
Add Comment