August 27, 2020. UK laga sobse second tangor Gatwick Airport para 600 kam hataboli junaise. Etu kam komti kora toh Covid-19 bemari para passengers aro air traffic ke besi neje lamai deya nemite ase koishe. Etai samay kam kori thaka 24 per cent neshina hatabo, koikena airport para Wednesday din statement te koishe aro kam kori thaka manuh khan logot kotha koboli ase, Xinhua news agency para khobor thishe. August moina te passengers laga number toh 80 per cent te lamishe, jaa saal eke moina te compare kora ase aro koishe etai samay sobse busy thaka din ase. Statement para koishe ke, etai airport toh capacity oper te 20 per cent neshina he kam koriase “judi konuba manuh Covid-19 bemari nemite aiport aro travel industry oper te bhapana thakile, aji ami khan staff manuh ke kam hatai deya khobor toh shared koriase”, koikena airport laga CEO Stewart Wingate para statement te koishe. Etu samay, Manchester Airport para junai thishe ke, tinta(3) airport pithor te ekta toh bondh koribo, aro etu bemari nemite ase. Tuesday din website te statement posted korikena, Manchester Airport para koishe ke, September 2 para Terminal Two para flights perai thaka toh Terminal One te loijabo. “bemari thaka samay phur toh airport khan para airlines aro retailers logot passenger demand kora nemite para dak melaikena kam kori thakishe aro passangers khan ke bhal service thikina ahishe”, aro koishe. Covid-19 bemari thaka samay, airport toh kali ekta Terminal para kam kori thakishe, etu beche tin(3) Terminal toh July moina te aro kolishe aro tuita(2) terminal wala toh fights pera soruh beche jaa hafta he koli thishe. Notun khobor te, Terminal Two para flights khan Asia aro North America te perai thaka toh September 3 darik para bondh koribo, khobor napa dak bondh thakiboli koishe.
Add Comment