Tennessee, 4 July : Dolly Parton tou Taylor Swift aru Travis Kelce ke dhonyobad janai dise
Country music legend Dolly Parton para Taylor Swift aru Travis Kelce dhonyobad janai dise, tai duijon para Dolly Parton Imagination Library te $2 million donate koria karone. Itu tai duijon laga bishi charitable contributions majot ekta ase.
Reports hisab te, Swift aru Kelce para nijor wedding celebrations mark koribole khali private festivities te focus nakorina, itu bodole bishi charities support koribo decide korisey.
Instagram te share kora ekta heartfelt video te, Parton para tai duijon ke dhonyobad janai dise aru koise ki philanthropy tai khan laga jibon te important part hoi ase.
Dolly Parton Imagination Library tu 1995 saal te Dollywood Foundation pora shuru hoisey. Itu program para janma pora 5 saal umor bacha khan free aru bhal quality books pai.
Program laga page hisab te, literacy initiative tu Partonor hometown Sevier County, Tennessee te shuru hoisey. Pichete itu United States aru anibela desh khan te bhi expand hoisey.
Itu charity tu Parton laga sob philanthropic initiatives majot ekta ase aru launch hua pora etiya tak hundreds of millions books distribute kori dise.
Swift aru Kelce age pora bhi donations aru community initiatives jori charitable causes support kori ahi ase.
Charity Journal hisabote, Swift aru Kelce para itu haafta te kom pora 20 charities te milaikena $26 million donate korisey. Donations majot food banks, children’s hospitals, educational programs aru animal welfare groups United States bhitor bishi jagah te ase.
Journal hisab te, Feeding America $2 million paisey. Aru City Harvest aru Rhode Island Community Food Bank $1 million kore donation paisey.
