New Delhi, September 25 : Telangana laga poila laga lawmaker(kanoon bana manu) aro Bharatiya Janata Party (BJP) national executive committee member Komatireddy Rajagopal Reddy para Wednesday din te BJP party para resign kurisey aro ailan kurisey ki tai tu joldi hi Congress te wapas ahibole asey.
Etu poila laga MLA kun para Telangana laga Nalgonda district te Munugode assembly jaga ke represent kurisiley tai para ekta bayan te koisey ki tai para Telangana laga manu khan laga khusi hisap te BJP ke charikina Congress ke join kuribole laga faisla loisey.
Tai para koisey, “ Rajya te Bharat Rashtra Samithi (BRS) laga against te ekta serious anti-incumbency asey. Etu safa safi para dikhibole pari asey ki manu khan para ekdam biya para sarkar bodli kuribole mon jai asey.”
Reddy para koisey ek saal adha agey te, BJP tu Telangana ke cholai thaka BRS sarkar laga against te ekta shaktishali alternative te agey barisey. Hoilebi kunba rajneetik development picheyte taikhan laga takat girijaisey. Etu manu khan para etya BRS laga bodli te Congress ke akha kurikina sai asey. Tai para koisey, “Ami para bi manu khan laga iccha hisap te jabole faisla loisey.”
Tai para koisey ki tai para BJP ke 15 moina ageyte khali ekta akha thakikina join kurisey ki khali BJP hey ekta enaka party asey kun logotey Telangana te poisa kha, niyom palan nokora aro public laga hisap te nohoikina nijor laga hisap te chola parivar ke girabole laga takat asey.
Tai para koisey, “ Ami para Congress ke aro Munugode para ami laga assembly membership ke charidibole lagisey. Ami para October 2022 laga last hapta te Munugode jaga laga seat nimitey by-election te contest kurisiley. Ami para etu election tu BRS laga poisa aro muscle power nimitey olop vote para harijaisey. Ami para sob leader aro worker khan ke Munugode laga by-election tea mi ke support kora nimitey dhanyabad di asey.”
Tai oara Prime Minister Narendra Modi, Union Home Minister Amit Shah aro BJP national President J P Nadda ke tailaga opor te aeo wapas biswas dikha nimitey dhanyabad disey. Hoilebi, Reddy para koisey ki Centre para poisa kha BRS sarkar laga against te action lobole nakamyab hoisey kuntu para manu khan laga majotey shaak paida kuridisey.
Tai para tailaga khali maksat tu Telangana ke KCR laga family rule para azad kuribole laga thakisey koikina koisey ki tai tu akha kuri thaksiey ki tailaga etu maksat tu next 5 hapta te pura hoijabo. Tai para BJP leadership ke taikey BRS sarkar laga against te larayi kuribole laga moka diya nimitey dhanyabad disey. Aro enaka koisey, “ Ami para akha kuri asey ki BJP laga leader khan para ami laga faisla ke bujidibo.”
119 member thaka Telangana legislative assembly para November 30 te ekta single phase te vote kuribole asey.
Add Comment