New Delhi, October 25 : NCERT para Wednesday (October 25) te koisey ki taikhan tu kunba media te NCERT laga textbook khan te ‘India’ ke ‘Bharat’ te bodli kora laga report te comment dibole bisi joldi asey. Aro koisey ki nutun syllabus aro textbook khan bana laga process tu etya bi chuli asey kuntu nimitey etu kaam te expert thaka group khan ke taikhan para jankari dikina asey.
NCERT para koisey ki nutun syllabus aro textbook bana laga process tu chuli thaka nimitey aro etu karney etu kaam te expert thaka bisi alag alag Curricular Area Group khan ke jankari disey aro etu nimitey media te etu mamla te khobor ola te eku bi kobole bisi joldi asey.
Ekta hogh-level National Council of Educational Research and Training (NCERT) panel, kuntu ke historian CI Issac para head kuri asey etu para agey te, school laga textbook khan te ‘India’ ke ‘Bharat’ te bodli kuribole laga salah disiley.
Etu salah tu Social Science subject laga seven-member committee para disey kuntu toh NCERT para alag alag subject khan te position paper tayar kuribole nimitey banaisey.
Hoilebi, NCERT Director Dinesh Prasad Saklani para Social Science laga group para enaka bodli anibole laga proposal diya ke approve kurisey kuwa laga report misa asey koisey.
ANI ke phone te kotha kurikina, Isaac para koisey “India word tu bisi saal poila te India te East India Company bana picheyte aro 1757 te Plassey te war huwa picheyte hey chola suru hoisey.”
Tai para koisey, “Ami khan para sob laga monjuri para sob class laga student khan nimitey ‘Bharat’ cholabole recommend kurisey.”
Dinesh Saklani para ANI ke koisey, “ Kotey bi ‘India’ laga naam bodli kuribole lagey enaka likhikina nai. Etu khan tu misa misa kotha asey. Enaka eku bi koranai. Kun manu para enaka kurisey koisey taikhan para document dikhabo lagey. AMikhan para enaka koranai.”
Add Comment