Tamil Nadu, October 25 : Wednesday (October 25) te Chennai laga Raj Bhawan laga main gate agey te ekta petrol bomb felaisiley. Kun manu para etu petrol bomb pathaisey taikey authorities khan para joldi dhuri loisey. Ekjun senior police official para koisey ki etu hamla kora laga picheyte ki maksat asey etu janibole nimitey enaka harkat kora manu laga etya puchtach chuli asey. Etu ghotna te barricade aro ghas khan barbad hoijaisey.
India laga President tu Thursday din te Chennai visit kuribole asey. Reports para first te, duita petrol bomb fela laga jankari disiley hoilebi police para PTI ke koisey ki khali ekta bomb hey cholaisey aro etu bomb bi mujrim para akha kora nisna kaam koranai. Etu ghotna laga connection te Guindy police station te ekta complaint file kurisey.
Etu mujrim tu nisha laga halat te thakisey. Etu mujrim laga naam K Vinod thakisey aro tai tu criminal record thaka manu asey. Tai tu enaka galat kaam kuri thakey aro tailaga against te 6ta 7ta maan case record kurikina asey.
Add Comment