Telangana paani flood te 2 jun morishe aro 4 jun napaikena ase

September 6, 2021: Telangana jaga alag-alag te besi te paani purikena tui(2) jun manu morishe aro 4 jun napaikena ase koishe. Hyderabad Meteorological Centre para Monday aro Tuesday din te paani besi tangor puriboli junaishe. Paani besi aro tangor ahiboli toh Adilabad, Kumaram Bheem Asifabad, Mancherial, Nirmal, Nizamabad, Jagtiyal, Nalgonda, Suryapet, Janagaon, Ydadari Bhuvanagiri, Rangareddy, Hyderabad, Medchal, Malkajigiri, Vikarabad, Sangareddy, Mahabubnagar aro Nagarkurnool district te puriboli janaishe. Jowa tui(2) din tin(3) din akhe te paani besi pura nemite normal life paralysed hoikena ase aro etu oper te rivulets, lakes, streams, tanks aro dosura water bodies nemite  vehicular traffic aro jaga toh beya hoikena ase. Sunday din alag-alag jag ate tui(2) jun morishe aro 4 jun harishe. Mahabubnagar district te 23 umer jawan toh selfie loi thaka samai paani para loi-jaishe. Shivaprasad toh Dondubi Vagu te kara korikena selfie lowa samai howa ase koishe. Police laga khobor hesab te, tai ajanak te paani te kerishe aro dupikena morishe. Drum beater ek jun toh be Vikarabad district te paani te mora khobor paishe. Goraiah (35) umer aro tai logot dosura 7 jun drum beaters khan toh paani cross kora samai Dornal bosti te local festival ekta drum (dappu) marikena aha samai howa ase koishe. Goraiah aro Krishna toh dam cross kora samai paani para loikena jaishe, etu samai Krishna ke dosura ek jun para pachaise, hoilebi Goraiah ke paani para loi-jaishe. 6 gonda search operation kora beche divers khan para body toh paishe. State te alag-alag jaga te 4 jun harishe aro 30 umer ek jun toh Sangareddy te tai laga motorbike para paani cross kora samai loi-jaishe. Siddipet district t etui(2) jun manuh ke paani para loi-jaishe. 10 jun group ekta nahaboli jaa samai tui(2) junk e toh locals khan para pachaise aro tui(2) jun paani para loi-jaishe koishe.