VARANASI, OCTOBER 5 : New Delhi laga SpiceJet ura chahaz toh aji Varanasi te dara-dari namijaise. Eubi kedia Thai desh laga manu 1 jun mura karne. Aro tai mura toh mon bemar pora ajanak pora mura laga ase koi kena, Authorities kan pora khobor te janaise.
Etu ura chahaz toh Bankok pora 7:40 am paji porahi ura suru kurise. Etubi 189 jun passengers kan uthai kena. Aro etu 189 passengers kan majutte 22 jun toh Thai Group Tourist laga members kan thakise. Aro etu member te etu mura manu, 53 sal dangor Atabot Thngcusorn bi melekena thakise koise.
Lal Bahadur Shashtri International Airport, Varanasi laga Officials logot etu chamala hua logot-logot etu ura chahaz laga Crew member kan pora khobor janaise. Aro etu bejete dara-dari pora Varanasi Airport te namibole kura huise koise.
Add Comment