Tikhir Tribe Recognition Day loise 

Shamator, 04 April: Special guest and Advisor for Information & Public Relations and Village Guards, S. Keoshu Yimkhiung para ekta peaceful atmosphere aro unity para ekta society te develop hobole paribo koise. Tai para etu kotha toh 2^nd April te public gound, Kiusam town jaga te Tikhir Tribe recognition day samai te koise. Advisor toh Chief Minister, Neiphiu Rio putli program te attend kora thakise kelay koile moroum beya nemite attend koribole napara para. Advior para kotha kora samai Tikhir tribe recognition aro Shamator district up-gradation nemite dekthari powa opor te koise. Tai para manu laga goal toh 40 saal laga struggle bechite paise koise aro etu toh tuita tribes Tikhir aro Yimkhiung majote unity aro mutual agreement nemite para ase koise. Keoshu para jama howa khan ke peaceful atmosphere aro unity thakibole koise kelay koile neighbouring tribes logote phal sumbaan bonabole aro progress hobole nemite. President TTC, K. Topan para katha Tikhir laga history opor te kowa thakise. Short speeches toh President ENPO, R. Tsapikiu; Commissioner & Secretary to Governor, Mhabemo Yanthan; NBOCWWB, Kekhire Yhome; 14 Tribes Convenor, K.T. Vilie; Former Parliament Secretary, Heno; DC, Kiphire aro DC, Shamator para deya thakise. Program laga tusara higlights te- Tikhir traditional kitchen, Shamator village, Pokphur village, Anatonger village, aro Thonoknyu village para cultural presentation thakise. Welcome address toh Advisor TTC, Kiusumong Tikhir para deya thakise aro vote of thanks General Secretary TTC, W. Tothong Philip para deya thakise. Program te General Secretary, TGOA, T.L Kiusumong Tikhir para chaired thakise.