October 17,2020: Koliamati area Dibru-river Kakojan reserve forest Doomdooma forest division Tinsukia district bithor Friday din te chotu mota haathi laga body paishe.
Locals khan para etu haathi laga caracass toh paikena forest department ke etu laga khobor dishe.
Forest personnel khan doomdooma range para etu jaka te jaikena etu caracass ke autopsy nimete phutaishe.
Doomdooma forest official para koikena janaishe”ami khan para etu bacha haathi laga body toh Friday phujur te paishe.”
Tai para aro bi koikena janaishe”ami khan najaneh tai kinika murishe autopsy report paa pichede ami khan kobole paribo.”
Official koikena janaishe”Manu aro haathi laga chamela toh forest cover namijai thaka nimete uthi ase etu nimete haathi khan human habitation te ahe khaa luwa bisarikena aro etu nimete chamela olaishe.”
Devajit Moran, secretary of Green Bud society ekta environment NGO para koikena janaishe ki”Olop sdin akhe te ekta manu ke Digboi Oil field area te haathi para muraidishe etu bi tai kaam para wapas aha samay te.”
Tai aro koikena janaishe”manu aro hathi laga chamela toh upper assam area te uthi thakishe.”
Tai para aro bi khobor te janaidishe ki “Dui moina akhe te ekta bacha haathi ke Bogapani elephant corridor te murikena paishe.”
