Tinsukia te vaccine komti nemite vaccination rokishe

July 5, 2021. Tinsukia district administration para jai-thaka vaccination drive toh district te Covid-19 vaccine komti howa nemite bondh korikena ase. Vaccination drive toh notun Covid-19 vaccine batch napongcha dak roki thakiboli koishe. Sunday din vaccination sessions toh district te vaccine komti howa nemite cancel koriboli olaishe. Tinsukia district te be eut neshina halat toh June 27 aro June 29 darik te vaccination kam toh vaccine komti howa nemite rokishe. Vaccine komti howa toh district te besi tangor kam beya hoikena Covid-19 cases control kora te duhk paishe. “itya ami khan vaccine komti nemite duhk ase etu kam toh bapana neshina nahoina cancelled hoishe. Vaccine pongcha logot vaccination kam toh aro soruh koribo,” koikena Tinsukia deputy commissioner Narsing Pawar para khobor toh janaishe. Pawar para koishe, “vaccine laga saman toh joldi pongchibo, itya dak district te 2 lakh oper manuh logot vaccine thikena ase. “Tinsukia district te olop din akhe 3 din mega vaccination drive samai, ami khan para 45,000 manuh logot vaccine toh thiboli parishe, ketai vaccine toh ahibo, ami khan para aro vaccination drive soruh koribo,” tai aro janaishe. Tinsukia additional deputy commissioner (health) Manjit Borkakoty para koishe ke, health department laga plan hesab te 1,000-1,200 manuh ke aha tui(2) din te vaccine thiboli janaishe. Assam laga district besi te vaccine komti howa nemite manuh khan besi Covid19 vaccine centres para vaccine naloikena wabas ghor jaishe. Olop din akhe Assam te government para vaccination drive thaka samai hazar manuh vaccine loikena ase. Etu mega drive samai government laga target toh 3 lakh manuh ke vaccine thiboli bapana te ase koishe.