New York, 23 October : Hollywood laga veteran actor Tom Skerritt 93 saal age te morise. Tai Alien, Top Gun aru television series Picket Fences te tai laga role karone bishi popular thakise. Tai laga family koise ki tai natural causes karone Wednesday te morise. Tom Skerritt 1962 saal laga film War Hunt pora acting career suru korise, aru pichete Hollywood te bishi film aru television project te kaam korise.
Alien film te tai spaceship captain Dallas laga role korise. Top Gun te tai Commander Mike “Viper” Metcalf hisab te Tom Cruise laga character ke training dise. Television series Picket Fences te Sheriff Jimmy Brock laga role koribole tai Emmy Award jitise. Tai duibar Emmy Award nomination paise. Family statement te tai laga humour, curiosity, generosity aru storytelling karone bhal pai kotha mention korise. Tai laga death pichete film industry te tribute ahibole dhorise.
