Tripura Congress delegation para West Lok Sabha seat te re-voting demand kurisey

Agartala, April 29 : Tripura laga West Parliamentary constituency te vote dhala laga first phase khotom hoikina bisi hapta huwa picheyte, Tripura Congress para New Delhi te  Election Commission of India (ECI) laga full bench ke lok kurisey, kuntu te parliamentary constituency te re-voting kuribole demand kurisey. Reporter logotey kotha kurikina, Tripura Congress President Asish Kumar Saha, kun West Parliamentary Constituency laga candidate bi thakisey, tai para koisey ki All India Congress Committee laga ekta 8 members committee kuntu te Rajib Shukla, Supriya Shrinate, Sudip Roy Barman aro 3jun advocate thakisey taikhan ECI laga team including Chief Election Commissioner Rajiv Kumar ke lok kurisey. Aro taikey Tripura te huwa first phase elction te poll logotey garbari kora aro olta polta kora laga jankari disey. Tai para agey barikina iljam lagaisey ki Tripura Chief Electoral Officer, Puneet Agarwal para Tripura Congress ke three-tier security system laga mamla te asuure kurisiley hoilebi etu ke implement koranai. Tai para koisey, ‘Security system tu CEO para promise kora nisna thakanai aro etu laga natija tu bisi voter khan taikhan lag avote dhalibole paranai. Majority manu khan para taikhan laga vote dhalibole paranai aro etu nimitey taikhan para re-voting demand kurisey.