Manipur te re-voting hobole thaka nimitey security tight kuridisey

Imphal, April 29 : Manipur te scheduled tribe khan nimitey reserve kurikina thaka Outer Mnaipur Parliamentary Constituency laga duita district(Ukhrul aro Senapati) laga 3ta assembly segment te 6ta polling station te free aro fair re-voting hobole dibole nimitey thik thak security kadam uthaisey. Officials khan para Monday din te koisey ki 400 opor state forces khan laga modod para 6ta CRPF company ke Tuesday laga 7:00 AM para loikina 4:00 PM tak eku diktar nohoikina voting hobole dibole nimitey taikhan ke duty te lagaidisey. Re-voting tu vote dhala jag ate bisi dangor hera-pheri huwa aro etu vote dhala jaga khan te Friday din te voting huwa homoitey gondogol huwa nimitey jaruri kuridisey. Etu majotey, Manipur Pradesh Congress Committee (MPCC) para Manipur laga Chief Electoral Officer (CEO) ke ekta formal request submit kurisey. Aro Mnaipur laga 6ta bisi khatra thaka voting station te security baraidibole request kurisey. MPCC para Election Commission ke Central Para Military Forces ke duty te dhalibole aro sob voting station te Executive Magistrate appoint kuribole request kurisey. Taki diktari chuli thaka laga mamla te logalog kiba kibi kuribo paribo. Etu opor te, MPCC para election laga process te transparency aro accountability maintain kuribole nimitey video coverage ensure kuribole aro CCTV camera install kuribole laga jarurat aro video coverage kuribole laga jarurat janaisey. April 30 te hobole thaka re-voting nimitey, Manipur government para privare enterprise aro industrial centre khan ke opor te mention kurikina thaka 6ta voting station te boha taikhan laga employee nimitey paid holiday declare kuribole direct kurisey. Government para etu polling station khan te post hoikina thaka bank, financial institution aro aro LIC official khan nimitey bi ekta public holiday declare kurisey. INC, NPF aro duijun independent laga total 4jun candidate tu Outer Manipur PC seat laga election nimitey contest kuri asey.