June 22, 2021. Tripura maiki ek jun para cancer bemar manuh ke motob thiboli nemite tai laga chuli donate korishe. Etu maiki student toh NSS volunteer ase. Tai toh NSS motto ‘Not Me But You’ hesab te tai laga chuli toh cnacer bemar manuh ke donated korishe. Ramkrishna Mahavidyalaya, Kailashahar te Unakoti district Tripura pithor, Agartala city para 140 km jaikena etu NSS volunteer para tai laga jehera jarikena cancer bemar manuh kaun khan elaj kori ase, etu khan ke kushi koribo nemite chuli toh katishe. NSS volunteer, Kanakanjali Nath toh Arts stream student te sixth semester te ase aro tai toh Kanchanpur jaga te thaka maiki ase. Friday din tai para local barber ke mathikena tai laga chuli toh pura katishe koishe. Kanakanjali para koishe ke, tai laga chuli katiboli fesla lowa toh hoile cancer bemar manuh kaun khan elaj kori ase, etu manuh khan nemite chuli para wigs bonaikena thibo koishe. Tai laga chuli bhal para maintained kori thaka toh cancer bemar manuh kaun khan chuli nai aro poisa te duhk thaka nemite Odisha Hair Donation Organisation logot donated korishe. Kanakanjali para tai laga chuli toh etu organization logot courier service te putaishe. NSS volunteer para koishe ke, tai school jevan thaka samai cancer bemar manuh nemite kam ekta koriboli bapana thakishe, hoilebi konuba problem thaka nemite tai laga chuli toh donate koriboli parai nai koishe.
