GUWAHATI: Agartala police para 22-member team ekta poll strategist Prashant Kishor’s I-PAC khan ke hotel jarikena jaboli rokaishe koishe. Etu team khan toh Agartala te thakishe aro tai khan para konuba political halat nemite surveys loikena Trinamool Congress motob kora ase koishe. Tripura police toh hotel pithor te aro bahar te pujur para camping kori thakina I-PAC team laga 22 members khan kaun logot be bahar te jaboli mana korishe, koikena NDTV para khobor toh janaishe. Etu teams khan ke roka nemite police para itya dak eku khobor koikena nai, police para kali Covid hoshari neum toh IPAC team para mana nai koishe. Khobor hesab te I-PAC para janaishe ke, tai khan laga hathh te Covid laga papers sob ase. “bahar para aha 22 manuh neshina ase, tai khan alga-alag jaga te peraishe, etu samai toh Covid hoshari neum jai ase, tai khan para city te ke koriboli ahishe etu laga khobor inquiring kori ase. Monday din tai khan sob logot Covid tests loishe aro khobor toh roki ase,” koikean West Tripura Manik Das para janaishe. “tai khan(I-PAC members’) laga RTPCR test result toh olaboli ase. Tai khan para kowa toh hoile, konuba research kam nemite ahishe kowa toh investtgate kori ase. COVID test result aha beche ami khan para saboli ase aro tai khan ke jariboli laga fesla koribo,” koikena Das para aro janaishe. Trinamool’s state unit chief Ashish Lal Singha para “democracy ke hamla kora ase”, koishe. “Tripura te thaka manuh hoikena, ami besi asorit hoishe, etu Tripura culture te nai. Tripura te BJP led government para misrule kora nemite manuh khan TMC ke support kori ase,” koikena Singha para janaishe.
Tripura police: Prashant Kishor’s I-PAC laga 22-manuh thurishe
