Tripura Te 12 Bangladeshi Manu,Bacha aru Transagender ManuKhan ke Durishe Koishe

Agartala, November 10, 2024: November  8 Friday din te, 12 bangladeshi manu, aru yete bacha khan bi ase koishe, taikhan sob ke State laga alak alak jaga para duri looishe koishe.Yete alak alak operations khan kuri kina durishe koishe. Yete Government Railway Police (GRP) aru Border Security Force manu khan milikina joint operation kurishe koishe. Yete 6 Bangladeshi manu, aru 3da transgender  manu khan ke Jirania Railway Station para durishe koishe. Etu durea toh Friday rati te durishe koishe. Etu jamala te kotha kurea homoi te, durea manu khan sob Mumbai te jai thakhishe koishe. Taikhan ked urea pichete taikhan, agea phale toh Bangladeshi manu ase koikina kobole mun thakha nai koishe. Hoilebi police khan tarika khan loi kina last taikhan laga asili Khobor toh ulai dishe Koishe. Udaipur Railway Sation para kali rati te, Police khan choita Bangladeshi manu durishe koishe, aru yete chutu bacha khan bi thakhishe koishe.