Shehri Samridhi Utsav laga part hesab deh, Tuensang Town, Clock Tower area deh Street Food Festival toh theme “Eat Safe, Eat Healthy and Eat Fortified,” pethor deh jowah kali (14th February 2019) lowah thakise. Etu festival toh District Urban Development Agency (DUDA), Tuensang and Tuensang Town Council (TTC) para ola laga ase.
Street Food Festival inaugurate korikena Deputy Commissioner (DC) Tuensang, L. Jamithung Lotha para kowah toh, scheme toh income generation nemide ase aro Self Help Groups (SHG) othabo nemide ase. Local products opor deh tai para kowah toh, area laga manu khan company laga saman nahoi kena local saman toh kenibo lagi. Tai para be SHG jolabole laga aro dangor koribole laga kotha janaideya thakise. Tai para etu food festival toh Tuensang district deh dangor hobole ase koise. Food Festival toh bosti olsor laga alag SHGs, 3rd NAP Camp Tuensang aro Tuensang Town para present kora thakise.
Etu agae deh suru kotha toh SDO (Civil) Tuensang, Pakon Phom para kowah thakise aro Secretary DUDA Tuensang, Wachusie Katiry para welcome kotha janideya thakise.
Add Comment