Jowah kali (April 25 ) pura duniya logode ‘World Malaria Day’ toh Tuensang District deh district laga eight blocks pethor deh eight villages logode manaishe. Etu toh theme ‘Zero Malaria start with me’ pethor deh mana thakishe.
Din laga part hesab deh rally march toh scholl students khan para kora thakishe.
Notun Chungliyimti village, Chare block jaga deh world malaria day mana din deh District Vector borne officer (DVPO) Tosoviho para kotha kora toh, 2030 sal Indian para malaria komti kuribole target kora laga kotha kowah thakishe aro malaria cases deh bachibole aro komti kuribole laga kotha korishe. Tai para hesha lowah khan logode malaria case para bachibo nemide public khan department logode plan deh hesha lobo lagi koikena request janaideya thakishe.
‘Prevention of malaria’ laga katha speech toh Imti, Surveillance inspector Chare aro Takayangba VDB secretary para deya thakishe aro Suzila para Zero malaria start with me’ laga kotha kowah thakishe.
Programmed eh chair toh Ramokla Pastress, new chungliyimti thakishe. Welcome speech Meren, Malaria technical supervisor chare block para deya thakishe. Programme deh church leaders, village council members, NGOs aro GPS laga students ahha thakishe.
Add Comment