August 14, 2020. Coronavirus bemar nemite tangor bhapana thaka te China te tui(2) jun manuh coronavirus bemar para bhal hoikena ek moina beche aro tai jun ke virus tuh positive paishe koishe. Khobor hesab te, central Chinese province Hubei te 68 umer maiki logot Sunday din te positive test paishe, tai tuh COVID-19 bemari para bhal hoikena choi(6) moina beche aro thurishe koishe. Dosura mota ek jun be Monday din Shanghai te positive paishe, tai tuh April moina te bahar desh para aha samay positive thakishe, hoilebi tai logot dosura symptoms eku nai koishe. Local authorities hesab te, bemari manuh logot contact thaka manuh khan kuan be COVID-19 positive tested paanai hoilebi etu manuh khan ke quarantine te ase koishe. Ekta kotha kobuli thaka tuh, coronavirus positive thakina bhal hoikena aro positive paa tuh etu case ekla nahoi. Konuba studies hesab te, bemari manuh khan laga antibodies para virus logot larai kura tuh olop moina thaka beche te he pareh koishe. “etu nemite bemar manuh ke tui para wala te be bemari tuh ase suspect bonai dey. Etu samay, South Korean researchers khan para koishe ke, manuh khan virus bemar para bhal kura beche te bemar aro ola tuh mora virus tuh aro ase, hoilebi etu virus para bemari nahobo.
Add Comment