Manipur, 27 April : Manipur dey tuita groups maju dey ekta gunfight ulaishey, kuntu piche dey ekta 33-saal mota murina paishey, police para Saturday dey kuishey.
Itu gunfight toh Sinam Kom dey huishey Kangpkopi aro Imphal East laga border dey, (April 26) Friday raati dey, taikhan kuishey.
Ekta ‘bosti volunteer’ kun itu gunfight piche dey hari jaishey, tai Saturday morning dey murina thakia paishey, taikhan halishey.
Taike Laishram Prem kuina identify kurishey, police kuishey.
Itu homoi, security forces ke itu jagah dey ekta flare-up rukhai diwoley deploy kurishey.
Aji agey dey, tuitq Central Reserve Police Force (CRPF) personnel ke Manipur laga Naransena area dey
shaaks Kuki militants laga attack ekta dey hatya kuri dishey.
Police para kuishey ki itu attack midnight dey shuru huishey aro 2:15 am tak itu jagah dey chuli thakishey.
Itu personnel toh CRPF’s 128 Battalion para asey kun ke state dey Bishnupur district laga Naransena area dey deploy kurishey.
Sources hisab dey, April 27 dey, 00:45 hours phaney, shaaks Kuki armed groups para reports hisab dey Naransena area laga ekta bosti phaney fire kurishey, Moirang police station laga jurisdiction andar dey, Bishnupur District kuntu karoney casualties ulaishey.
Add Comment