October 25, 2023 : Zunheboto district tey, under – 18 badminton tournament shuru hoishey chukri khan laga, Zunheboto indoor stadium tey, 23rd October 2023 tey, Deputy Commissioner Zunheboto, Rahul Bhanudas Mali tatey special guest thaki kena.
Itu Deputy Commissioner para tai laga khata speech tey, tiu players khan ke encourage kurishey, tai khan laga best diboley aru itu game laga hosa spirit bukhi kena khiliboley koishey. Tai para itu bhi encouraged kurishey ki, Zunheboto District Badminton Association laga officials khan ke, chukri khan ke promote kuriboley, state level tey, Mary Kom aru Saina Nehwal laga example khan di kena, kun khan eman sacrificed kurishey tai khan sports tey success hoboley karney. Tai para aru-bhi encouraged kurishey itu participants khan ke, priority loboley, thik para kaam kuri kena, itu state level tey punchiboley aru itu national level tey bhi punchiboley.
Agey phaley itu programme toh hoiley, Viveni H. Yeptho para chair kuri thakishey, kun toh hoiley gender specialist asey, District Hub for Empowerment of Women (DHEW) laga, aru (ZDBA) laga General Secretary – Kihika. G. Sumi para itu players khan laga code of conduct khan highlight kurishey, Badminton laga. Ekta special number toh hoiley present kurishey Nikina K. Kiba para.
Add Comment