October 25, 2023 : Peren laga District Welfare Officer – I. Tsungrosangla Ao para ekta circular tey, informed kurishey itu sob concerned beneficiary khan ke, NSAP viz. IGNOAPS (60-79 years), IGNOAPS 80+, IGNWPS, IGNDPS aru SOAP laga, Peren District under tey, ki, bachi kena thaka 6 muhina laga payment (FY 2021 – 2022) toh hoiley Direct Benefit Transfer para kurishey, beneficiary khan nimitey, active thaka SBI accounts logotey, 16th October 2023 tey, ‘By Salary’ laga remarks under tey, kotey toh hoiley Rs. 1,200/- per beneficiary of IGNOAPS; Rs. 3,000/- per beneficiary of IGNOAPS 80+; Rs. 1,800/- per beneficiary, IGNWPS aru IGNDPS respective para.
Tai para itu bhi add kurishey ki, bishi beneficiary khan itu office tey ahi asey, tai khan laga pension toh claim kuriboley, DBT pichetey bhi, itu para itu nishina confusion toh avoid kuriboley, tai khan ke request kurishey, tai khan laga passbook khan update kuriboley clarify kuriboley karney.
Non SBI account thaka khan aru NSAP under tey Non account holder khan nimitey, aru State Old Age Pension Scheme karney toh hoiley alag date di kena asey.
Add Comment