Tel Aviv: August 31, 2020. US-Israeli delegation aro White House laga advisor Jared Kushner, Monday din te historic first direct commercial flight toh Tel Aviv para Abu Dhabi te jaishe koishe. Jewish desh aro UAE pithor te melai beche te ase. Kotha “peace” toh Arabic, English aro Hebrew para Israel laga national carrier El Al plane te leki-kena thakishe. Plane toh 11:20 am (0820 GMT) samay jaishe aro saam te Emirates pongchibo koishe. “etu historic fight ase, besas ase ke historic journey toh Middle East aro dosura chaka te aro soruh hobo” koikena Kushner para koishe, tai toh President Donald Trump laga son-in-law ase aro Middle East policy laga architect manuh ase, tai plane najaa agae te kowah ase. Flight number El Al 971 toh UAE laga international dialling code, aro wabas ahiboli flight ase aro etu Tuesday pujur Abu Dhabi jariboli ase, aro El Al 972 toh Israel laga dialling code logot meli koishe. Israel-UAE agreement te melikena thakibole kotha toh Donald Trump para August 13 darik te junai thishe.UAE toh Gulf desh pithor te aro tinta wala Arab desh ase ke taikhan Israel logot melishe. Israeli National Security Advisor Meir Ben-Shabbat kuan flight te bohikena UAE te jaa samay koishe ke, “ami khan laga goal toh kam plan hobo lage aro melikena thakibole laga kotha toh tangor chaka dak hoboli lage koishe.
Add Comment