London:
Son Heung-min toh hassi (smiling) thakibole pura karan ase aro tottenham toh tai ke thank you kubole bishi karan ase. Wednesday rati te Champions League te Tottenham Hotspur para Borussia Dortmund ke 3-0 paa harai dishe. Etu toh tai khan laga last 16 laga 1st leg jeet ase. son para match te Dortmund khilaf te poila goal dishe. Etu toh Son laga Dortmund khilaf te khela 11 games te nouta goal ase. Etu nouta goal te poila Son Germany te Hamburg aro Bayer Leverkusen nimite kheli thaka melai kena ase.
Tottenham te tai laga fourth season te 26-year-old South Korean toh English football laga sob para influential players khan majote ekta uthi ase. Tottenham nimite etu season laga 13 games te Son goal score kurishe.
Tottenham manager Mauricio Pochettino dhamali (joke) kuri kena koishe aha samay te ketiya Son goal maribo, moi dressing room te jabo gao dhulabo aro game khotom hubole rukhibo.
Son tai laga 12 games te tai 11 goals marishe.
Pochettino koishe Son player hesab te tai logote bishi quality ase aro tai toh bishi talented player ase. Hoile bhi tai toh hodai hekibole taiyar thake, aro tai ke ki kuribole dibole mon ase etu kotha hune. Son toh alak alak situation te khelibole para quality ase.
Rati laga dusra game te Real Madrid toh Ajax ke harabole game laga akhri te goal dishe. Match toh Amsterdam te 2-1 para khotom hoishe.
Add Comment