Podgorica: Monday din te England khan toh Montenegro khan khilaf te 5-1 para jeetishe. Etu toh Euro 2020 qualifiers match te ase. Mtch chuli thaka samay te stadium bhitor te kunba players khan opor te racist laga gaalee (abuse) bishi de thakishe. Etu nimite stadium bans matibole lagishe.
Khobor hesab te Defender Danny Rose ke bandor koi kena stadium bhitor te halla kurishe. Aro Raheem Sterling ke bhi pura match chuli thaka samay te gaalee (abuse) de thakishe. Raheem Sterling toh England khan nimite fifth goal toh dishe.
Sterling toh Montenegro ke saath diya khan ke matches khan para ban kuribole koishe. Aro England manager Gareth Southgate koishe ke tai etu ghatna laga khobor toh European soccer laga governing body UEFA ke koi dibo koishe.
Southgate koishe ke moi nijor kaan para Danny Rose ke gaalee diya hunishe.
Add Comment