London, 9 September: Saturday din British police pora ekta maike ke arrest korise. Etu maike ke arrest kora toh, tai (maike) shopping district jaga pora ek-jun mora de moraidebole kosish kora karni arrest howah ase. Arrest na-howah agae de, etu maike toh dangor chaku (knife) pora hamla kora thakise. Barnsley laga north English city jaga de hatsa howah bechide police pora etu 28-sal maike ke etu moring (Sunday) arrest korise aro tai ke police custody de rakhi-kena ase koise. Etu maike toh etya metal health de sai ase. Etu hamla pora ekta moda toh olob jokhom pai-kena dukh pai ase. Britain toh etu hatsa howah, besi par chaku pora hamla howah aro terrorism othi thaga de phoi-kaai (fear) ase koise. Chaku pora hamla hoi thaga karni South Yorkshire Police laga Assistant chief constable Tim Forber pora be agae-de (earlier) official khan toh hatsa na-hobo karni hosiyar pora sai-ase kowah thakise. Tai pora be (Tim Forber) tai laga force khan ke local counter-terrorism unit pora support pai ase kowah thakise. Market stall holder Terry Ellis pora AFP de jaanideya hesab de, tai ekta maike toh 12 inches” (30.5cm) chaku thuri kena ek-jun moda de kethai thakise aro tai (maike) toh “kill, kill, kill” hala kora dekhise koise. Tusara business manu Abdul Razak, pora janaideya hesab de, etu maike toh I’ll kill you, I’ll kill you (ami pora apuni ke moraidebo) hala kora thakise koise. Police khan 8.20am (0720 GMT) nesana time phalli etu hatsa howah jani-paise aro tati jokha laga chaku paise koise. Forber pora kun witness hoilebe agae aihebole kowah thakise. Hoilebe locals khan ke dhanda pora thakibole kowah thakise.
Add Comment