Islamabad, 9 September: Sunday din Pakistan laga notun president karni Arif Alvi pora wada kora thakise. Tai (Arif Alvi) toh Pakistan Minister Imran Khan logode close sathi ase aro ruling Pakistan Tehreek-e-Insaf (PTI) party laga be members ase. Aiwan-e-Sadr (the President House) jaga de Chief Justice Saqib Nisar pora 69-sal dentist (Arif Alvi) logode Pakistan’s 13th President nemide wada kora thakise. Wada-kora ceremony de top civil-military brass logode Prime Minister aro Army Chief General Qamar Javed Bajwa be thakise. Chinese foreign minister Wang Yi aro Saudi information minister Awwad Bin Saleh Al Awwad be ceremony de thakise. Presidential contest de, Dr Alvi toh Pakistan Peoples Party (PPP) candidate Aitzaz Ahsan aro Pakistan Muslim League-Nawaz (PML-N) nominee Maulana Fazl ur Rehman logode jeta thakise. Tai (Dr Alvi) toh Karachi laga manu ase aro India/Pakistan partition howah bechide tai laga khor manu toh Pakistan de thaki-jaa ase. Tai laga predecessor Mamnoon Hussain’s family toh Agra laga ase aro Pervez Musharraf’s parents toh New Delhi pora ahha laga ase. Ruling PTI party laga hesab de, Alvi toh India logode connection ase. Tai laga baba Dr Habib ur Rehman Elahi Alvi toh India de dentist thaga ase. 1969 de, Alvi toh student movement Field Marshal Ayub Khan’s era time de active thakise. Lahore de chamala hoi thaga time de, tai laga right arm de goli laga thakise. 1979 de, tai (Alvi) toh provincial Assembly karni Jamaat-e-Islami (JI) candidate thakise. Hoilebe etu time de election thaga nai. PTI de Alvi toh ekta founding member ase. Tai 2006 pora 2013 tak PTI secretary general thakise. 25 July polls time de from NA-247 (Karachi) pora tai National Assembly elections jetise. 2013 general election de tai National Assembly laga member juna thakise.
Pakistan President nemide Arif Alvi pora wada korise
