April 21, 2021. Oil & Natural Gas Corporation (ONGC) laga tin(3) jun employees ke Lakwa upper Assam’s Sivasagar district para Wednesday pujur te kidnapped korishe koishe. Police para suspect kora toh ULFA(I) laga kam ase koishe. Kidnapped kora employees khan toh Mohini Mohan Gogoi, Junior technician, Alakesh Saikia, junior engineer aro junior technician Ritul Saikia ase koishe. “etu tin(3) ke toh ONGC laga gari para othaikena lui-jaishe koishe. Etu thaka beche etu gari toh Nimonagarh jungle Assam-Nagaland border osor te thakishe,” koikena ONGC para press statement te khobor toh janaishe. Etu nemite ONGC para local police logot complaint korishe aro Assam Police laga High-level officials khan etu jaga te jaishe. Local administration logot etu incident nemite te khobor janaishe aro ONGC khan higher authorities logot kotha kori ase. December 21, 2020 saal te, ULFA (I) para tui(2) jun Quippo employees ke Arunachal Pradesh laga Changlang jaga para thurikena lui-jaishe aro tin(3) moina thaka beche jarishe koishe. “ami khan investigate kori ase, hoilebi itya dak ami khan eku koboli naparibo. Ami khan laga suspect toh ULFA(I) logot ase,” koikena police officials para janaishe. Etu kidnap kora te ONGC ambulance gari jowah laga registration number toh AS-20-2186 ase, etu nemite Lakwa police outpost te case dishe. Sivasagar te itya ONGC office toh security para tight korikena ase koishe.
ULFA(I) para 3 ONGC employees kidnap
