April 20, 2021: State te Covid-19 bemari cases besi othi-thaka nemite, Manipur government para Class 10 aro Class 12 board exam toh postponed koriboli fesla loishe. Government para aro state te schools Classes IX para XII standards toh be 2nd wave bemari jai thaka nemite suspend korishe. “School classes IX para XII dak suspended korishe aro HSLC Examination-2021 aro Higher Secondary Examination-2021, BoSEM aro CoHSEM para loi thaka toh COVID19 bemari 2nd wave nemite postponed korishe aro state te itya COVID-19 positive cases toh besi othi ase,” koikena Monday din Manipur chief minister para junaishe. Hoshari nemite government para aro coaching centres, tutorial homes, boarding schools, government schools aro private hostels bondh koriboli order te janaishe. Manipur government laga Commissioner (Education), T Ranjt Singh para koishe ke, Class VIII para loikena neji class khan physical classes nathakibo, hoilebi online classes toh jai thakibo, koikena tai para aro janai thishe.
Manipur te 10th aro 12th board exams cancel
