September 7, 2020. Duniyaa te sobse tangor aro jolti kam ekta te UNICEF para coronavirus vaccines toh bonaikena aro supply kuribo. Etu samay, tawai toh ola beche Duniyaa laga desh khan sob hoshar, jolti aro eke babo koishe. United Nations Children’s Fund (UNICEF) toh Duniyaa te ekla sobse tangor vaccine kena manuh ase aro tai para ketai bemari ahibo ek saal pithor te 100 desh khan nemtie 2 billion neshina tawai keni thaki koishe. Vaccine candidates besi para bhal olaboli promise kurikena ase, etu samay, UNICEF aro Revolving Fund of the Pan American Health Organization (PAHO), melaikena COVID-19 vaccines toh bonabo aro supply koribo. Tai khan COVAX Global Vaccines nam te 92 desh kuan khan income komti ase tai khan ke motob thiboli koishe. UNICEF para aro vaccine bona khan ke motob kurikena 80 income besi thaka economies hath para kenibo aro COVAX Facility te shamil hoikena poisa toh tai khan budget oper para thibo. Vaccine bona aro deya kam te 170 economies khan be thakibo aro tai khan toh Duniyaa te first sobse tangot aro jolti kam kora ekta hoboli koishe. Etu toh, governments, bona company aro partners oper te ase ke tai khan melikena COVID-19 bemari logot larai koribo, koikena UNICEF laga executive director Henrietta Fore para janai thishe. Etu khan kam nemite, UNICEF para World Health Organization (WHO), Gavi Vaccine Alliance, Coalition for Epidemic Preparedness Innovations (CEPI), PAHO, World Bank, the Bill Melinda Gates Foundation, aro dosura partners khan be thakibo koishe. COVAX Facility toh sob desh ke kola raki thiboi aro kuan desh ke be aha din COVID-19 vaccine nemite narokabo koishe.
Etu vaccine bona samay, desh sob para motob kurikena COVID-19 vaccines toh baholi koishe.
Add Comment